Nano: Synimi ynë i madh: ulja e varfërisë dhe e papunësisë Faqe 2-3 FMN inkurajon hapat e mëtejshëm të qeverisë shqiptare: Të fshihen nga faqja e dheut firmat piramidale Për një qeverisje efektive dhe institucionale ngrihet SHIK-u, kësie datë tërësisht nga bërat e ligji dhe nga një shërbim informativ që do të menaxhohet në një drejtim ekzekutivo-represiv. Bilanci i këtij shërbimi dhe nga një shërbim informativ ishtë dhe nga një shërbim informativ është dhe nga një shërbim informativ [?] Në fjalën e tij kryetari i Këshillit të Ministrave, z. Fatos Nano nënvizoi edhe nevojën e miratimit të Kushtetutës së re të vendit duke pohuar se për të pasur një qeverisje stabile në Shqipëri dhe për të ecur përpara në rrugën e konsolidimit të institucioneve është e domosdoshme të kemi një Kushtetutë të re. Kryeministri Nano, i cili foli në emër të Këshillit të Ministrave dhe të qeverisë së dalë nga zgjedhjet e 29 qershorit, theksoi se raporti i paraqitur para Kuvendit është i fryt i punës së specialistëve të administratës shtetërore në ministri dhe në aparatin e Këshillit të Ministrave e të ekspertizës së Fondit Monetar Ndërkombëtar, Bankës Botërore, të programit Phare të Komunitetit Evropian dhe organizmave të tjerë ndërkombëtarë të specializuar. Sipas Nanos, programi i qeverisë i përgatitur pas eksperiencës së 8 muajve të qeverisjes së deritanishme dhe i mbështetur te realiteti i ri politik dhe ekonomik i krijuar pas zgjedhjeve të 29 qershorit dhe pas krizës së rëndë institucionale e ekonomike që kaloi vendi, është i orientuar drejt një strategjie afatmesme për reformimin e ekonomisë dhe zbatimin e programit 1-vjeçar të stabilizimit makroekonomik. Sipas Nanos, gjatë javëve të fundit pjesa më e madhe e treguesve ekonomikë e financiarë tregojnë për një ulje reale të papunësisë, inflacionit dhe rritje të prodhimit. Kryeministri Nano tha se programi i qeverisë synon uljen e varfërisë në përgjithësi dhe veçanërisht për ato shtresa që u goditën më rëndë nga trazirat e pranverës së këtij viti, duke nënvizuar se programi do të realizohet duke ruajtur stabilitetin në rritje dhe duke u orientuar nga sektori privat, krijimi i kushteve për rritjen e investimeve, shtimin e vendeve të punës dhe rritjen e të ardhurave. Programi do të synojë konsolidimin makroekonomik me rritje ekonomike të shpejtë, forcimin e financave publike dhe përmirësimin e infrastrukturës në të gjitha fushat e vendit. Kryeministri Nano përshëndeti aprovimin nga ana e misionit të FMN-së të hapave të ndërmarrë nga qeveria shqiptare për stabilizimin e vendit dhe rifillimin e reformave ekonomike. ( vijon në faqen 2-3 )